Эцсийн захиа

"Зуун жилийн ганцаардал", "Хурандаад захидал үл ирнэ" зэрэг зохиолоороо дэлхийд нэртэй Габриэль Гарсиа Маркэсийн "Эцсийн захиа"-г орчуулж үзэв:

　　Gabriel Garcia Marquez "A Farewell Letter"
　　Орчуулга: Сүрэн, С. Наранжаргал

Бурхан намайг чихмэл хүүхэлдэй гэдгийг агшин зуур умартаад хоромын ч болов амьдрал хайрлавал би бодсоноо ярих бус юу ярихаа бодох байсан.
Аливааг би үнээр нь бус утгаар нь цэгнэх байсан.
Ганц минут нүдээ анихад ертөнцийн гэрэл гэгээнээс 60 хором тасрахыг ухаарч бага унтаж илүү ихийг мөрөөдөх байсан.

Бусдыг эргэлзэн зогсох үед би урагшлан давшлах байсан.
Бусдыг унтах үед би сэрүүн, сэргэлэн байх байсан
Бусдыг ярих үед би сонсох байсан
бас шоколадтай мөхөөлдсийг амтархан идэх байсан !
Бурхан надад жаахан ч гэсэн амьдрал хайрлавал би энгийн хувцас өмсөх байсан;
ургах нарыг угтан золгож бүх бие төдийгүй сэтгэл зүрхээ ч наранд нээх байсан.
Бурхан минь, зүрхэнд шингэсэн үзэн ядалтаа би мөс болгон хөлдөөгөөд наран гарч ирэхийг хүлээх байсан.
Оддын гэрэлд Ван Гохтой зураг зурж, Бэнэдэттийн шүлэг уншин мөрөөдөж, Серрагийн дууг саранд серенад болгон өргөн барих байлаа.
Өргөс хатгахын өвдөлтийг мэдрэхийн тулд, цэцгэн дэлбээний улаахан үнсэлтийг амсахын тулд
би сарнайн цэцгэсийг нулимсаараа услах байлаа.

Бурхан надад хэсэгхэн ч гэсэн амьдрал бэлэглэсэн бол...
Би өдөр болгон элэг дотны бүх хүндээ хайртай гэдгээ хэлэх байсан.
Эрэгтэй эмэгтэй хүн болгонд тэндийг хайрлан биширдэгээ итгүүлэх байсан. Хайраар амьсгалж хайраар жигүүрлэн амьдрах байсан.
Хөгшрөх цагт хайр устаж үгүй болно хэмээн итгэх хүмүүст эндүүрч байна гэдгийг ойлгуулах байсан. Хүн хайрлахаа байсан цагт л хөгширч эхэлнэ гэдгийг ухааруулах байсан!
Бяцхан хүүхдэд би даль жигүүр өгнө. Дүүлэн нисэхийг харин өөрөө сураасай гэж хүснэ.
Өвгөн буурлуудад үхэл гэдэг нас ахих бус умартан мартахаас эхтэй гэж хэлнэ.

Хүмүүс минь дээ, та нараас яасан ч ихийг мэдэж авав даа...

Бүгд уулын оройд амьдрахыг хүсэхдээ жинхэнэ аз жаргал хэрхэн дээш доош өгсөн уруудахад оршихыг үл ухаарна.
Саяхан мэндэлсэн улаан нярай бяцхан гараараа эцгийнхээ хурууг атгахад насан үүрдийн уяа үүсдгийг мэдэж авлаа.
Өрөөл нэгнийгээ хөл дээрээ босоход туслах ганцхан тохиолдолд хүн хүнээ дээрээс доош харж болдгийг мэдлээ.
Хүмүүс та нараасаа олныг сурлаа, гэвч энэ бүхэн хэрэггүй зүйлс ажээ. Учир нь, аяныхаа богцыг эдгээр зүйлсээр дүүргээд би, одоо та нараасаа хагацах гэж байна.

-------------------------------------------------------

• англи эх:　http://www.perryland.com/inspire5.shtml
  

Солонгон гүүр

　　　Тамүра Шигэрү　"Мөрөөдлийн аян"
　　　Орчуулга:　Сүрэн

　　　Нэгдүгээр хэсэг: Гүүр
　　

Ранслот робот гүн хавцал уруу өнгийн харж
　　-　Зам энд тасарч байна гэв.
　　-　Сонин юм даа, дурангаар харахад хавцлын нөгөө талд энэ замын үргэлжлэл харагдах юм. Гэвч энд өмнө нь гүүр байсан ул мөр алга...

　 　Эрдэмтэн доктор Фүүп, Ранслот робот хоёр археологийн судалгаа хийхээр дундад азийг зорин явах замд энэ гүнзгий хавцал таарч яаж гарахаа мэдэхгүй аргаа бараад байлаа.

　　-　Доктор оо, араас хүн ирж байх шиг.　
　　
　 　Эргэж харвал тэр хоёрын ирсэн замаар үндэсний хувцастай араг сав үүрсэн нэгэн эр алхаж ирэв. Тэрээр Ранслотыг харж баясгалантай инээгээд Фүүп докторт бяцхан мэхийж ёсолсноо нүдээ жаахан аниад хавцлын тийш хөнгөн шингэн, сонин алхаагаар алхаж эхлэв. Фүүп доктор, Ранслот хоёр сандран

　　- Болгоомжтой!
　　- Хөөе!

гэж уулга алдан дуудах хооронд эрийн хөлний үзүүрээс хавцалын нөгөө тал хүртэл долоон өнгөөр туяарах солонго гүүр болон татагдсан байв. Эрэгтэй эгэл жирийн явдал мэт ажиг ч үгүй солонго өөд алхаж гараад хавцлын нөгөө талд очиж буухад солонгон гүүр нэг мэдэхнээ алга болсон байлаа.

　　- Сая юу болсныг харсан уу?
　　- Харлаа доктороо. Энэ хоёр нүдээрээ харлаа.
　　- Хавцлын нөгөө талд гарахын тулд солонго татуулах хэрэгтэй юм байна.
　　- Тийм юм шиг байна.
　　- Бид ч гэсэн чадах болов уу?

　 　Ингээд доктор Фүүп, Ранслот робот хоёр нөгөө эрийг дуурайж солонгон гүүр татуулах дасгал хийж эхлэв. Тэр хоёрыг солонго гаргах гэж янз бүрээр оролдож байхад илжиг хөтөлсөн бяцхан жаал хүү, нярай хүүхэд тэвэрсэн тод өнгийн үндэсний хувцастай залуухан бүсгүй, таяг тулсан цагаан сахалт өвгөн зэрэг янз бүрийн хүмүүс хавцал дээгүүр өөр өөрийн солонгон гүүр татуулан нөгөө талд гараад аян замаа үргэлжлүүлж байлаа.　

　　 Хүмүүс хавцлын наад талаас эсвэл цаад талаас нааш цааш чөлөөтэй ирж явж байв. Доктор Фүүп тэдний заримаас нь солонгон гүүр татуулах арга барилын тухай асуусан боловч бүгд мэдэхгүй гэж байлаа. Агаар амьсгалахтай адил эгэл жирийн хэрэг тул бодож амжаагүй байхад л хүн бүрийн өмнө солонгон гүүр гарчихдаг бололтой. Зарим нь тэр хоёрын төлөө хавцлыг нааш цааш хэд хэдэн удаа гатлан гарч солонгон гүүр татуулж үзүүлсэн боловч тэр хоёрт солонгон гүүр гаргаж өгч чадсангүй.

　　 -　Доктороо, энэ нэлээд хэцүүхэн ажил бололтой.
　 　-　Харин ээ... Энэ хавцлыг давахын тулд цагаан цайлган, хүүхэд мэт гэнэн сайхан сэтгэлтэй байх хэрэгтэй болов уу. Эндэхийн хүмүүс бүгд үнэхээрийн сайхан сэтгэлтэй хүмүүс байна. Хоёулаа энэ гүнзгий хавцлын цаад талыг энэ чигээр үзэхгүй өнгөрөх нь зөв байхаа. Гэхдээ дэлхий дээр ийм газар үлдсэнд би маш их баяртай байна гэж доктор хэлэв.

　 　Ийнхүү Фүүп доктор, Ранслот робот хоёр хавцлын нөгөө талд гарах оролдлогоо болиод ирсэн замаараа буцахаар шийдэв. Буцах алхаа нь энэ нутгийн хүмүүсийн алхаа шиг хөнгөн шингэн, сонин айзамтай болсныг тэр хоёр анзаарсангүй. Мөн хавцал дээгүүр хоёр тод солонго үлэмжийн сайхан долоон өнгөөр туяаран буйг ч анзаарсангүй.

Солипсист

Фредерик Браун science-fiction зохиолч боловч зөгнөл зохиолын хажуугаар алиа алиа эсэргүү юм их бичнэ, бичнэ гэнэ, бичсэн. Өгүүллэгүүд нь тун богинохон боловч хөөрхөн юм бодуулна. Anyway, нэг бяцхан өгүүллэг орчууллаа:

　　Fredric Brown　"Solipsist"　1953
　　Орчуулга:　Сүрэн

　　Уолтэр Б. Иегова – энэ түүний жинхэнэ нэр тул би энэ нэр хэрэглэсний төлөө уучлал гуйхгүй – бүх насаараа бүрэн итгэлт солипсист байв. Солипсист гэдэг хэрвээ та мэдэхгүй бол, зөвхөн өөрийгөө цорын ганц оршин тогтнох зүйл гэж итгэх хүнийг хэлнэ. Бусад хүмүүс болон орчлон хорвоо түүний ургуулан бодсон ертөнцөд орших агаад хэрвээ тэр бүхнийг ургуулан дүрсэлэхээ боличихвол бүгд оршин тогтнохоо болино гэж итгэнэ.

　　Нэгэн өдөр Уолтэр Б. Иегова солипсизмыг жинхэнэ ёсоор хэрэгжүүлэхэд хүрсэн юм. Нэгхэн долоо хоногийн дотор эхнэр нь нэг хархүүтэй зугтан алга болж, тэр өөрөө ачааны түшмэл ажлаасаа халагдаж, замыг нь хөндлөн гарах гэж байсан хар муур хөөж байгаад хөлөө хугалсан байлаа.

　　Тиймээс эмнэлэгт хэвтэж байхдаа тэрээр энэ бүхнийг ерөөс эцэс төгсгөл болгохоор шийдэв.

　　Цонхноосоо од ширтэж байгаад алга болоосой гэж хүсэхэд од мичид үгүй болов. Дараа нь бүх хүмүүсийг алга болоосой хэмээн хүсэхэд эмнэлэг аягүй сонин, эмнэлэг гэмээргүй чимээ аниргүй болов. Араас нь бүх дэлхийг үгүй хийгээд нэг мэдэхнээ тэрээр оргүй хоосонд дүүжлээстэй мэт хөвж байлаа. Зовлонт биеээсээ нүд ирмэх зуур ангижраад хамгийн сүүлийн алхам буюу өөрийнхөө оршин тогтнолыг үгүй хийхийг хүсэв.

　　Гэвч юу ч өөрчлөгдсөнгүй.

　　Сонин юмаа гэж тэр бодоод солипсизмд хязгаар байна гэж үү гэж гайхшрав. Тэгтэл
　　- Тийм гэж нэгэн дуу хариулав.
　　- Та хэн бэ? гэж Уолтэр Б. Иегова асуув.
　　- Чиний үгүй хийсэн орчлон хорвоог бүтээсэн нь би байна. Одоо харин чи миний байр суурийг авсан тул – тэрээр гүнзгий гээч нь санаа алдав – би ашгүйдээ, оршин тогтнохоо дуусгавар болгож хийж бүтээхийг чамд шилжүүлэн өгнө гэв.
　　- Гэхдээ, би өөрөө яаж оршин тогтнохоо болих вэ? Би чинь зөвхөн тэрийг л хүсээд байгаа юм шүү дээ?
　　- Тиймээ, би мэдэж байна гэж дуу хариулав. Би яасан, чи яг тэгэх л хэрэгтэй. Орчлон хорвоог бүтээн бий болго. Чиний итгэсэнд итгээд бүтээсэн бүхнийг чинь үгүй болгох хүн гарч ирэхийг хүлээ. Тэгээд түүнд бүхнээ шилжүүлэн өгөөд өөрөө явдгаараа яв. Одоо харин баяртай.

　　Ингээд дуу алга болов.

　　Уолтэр Б. Иегова оргүй хоосонд гав ганцаар үлдсэн тул түүнд хийж чадах ганцхан л зүйл байлаа. Тэрээр хурмаст тэнгэр, газар дэлхийг бүтээв. Энэ ажилд зөвхөн долоохон хоног л зарцуулав.

----------------------------------------------------------------------

• өгүүллэгийн англи эх: http://devernay.free.fr/paradoxlost/html/solipsist.html
• өгүүллэгийн орос орчуулга: http://www.zelen.ru/generation/gz113-brown-solipsist.htm
  
• cолипсизмын тайлбар: http://en.wikipedia.org/wiki/Solipsism
  

Нэгэн өдрийн баяр

2008 07/27

Өчигдөр найзуудтайгаа далай явж давалгаанд хэд сайн цохиулаад ирлээ. Алиа найзуудтайгаа арзайтлаа инээж алтан наранд боорцог биш борлоод ирлээ. Өнөөдөр бүх бие жаахан хүндвэртэй ч нэг л сайхан амарсан шинжтэй. Нэгэн яриаг минь нэгэн найз маань бич бич бич гэж ятгасан тул here we go :

Хүний сайхан сэтгэл өөрт чиглэсэн ч бай өрөөлд чиглэсэн бай ч аягүй их баярлах. Хүний сэтгэлийг санаандгүй мэдэж таних үед бүр ч их баярлана. Хааяа хааяа тэнгэр бурхан намайг ивээж тийм учрал явуулна. Хоромхон зуур болоод өнгөрөх явдал ч гэлээ сэтгэлд гэгээ татаад хэсэгтээ баяр мишээлээр дүүрэн байна.

Икегами шугамын Икегами буудлаас арван мин алхахад эртний том сүм бий. Гол сүм нь уулын орой дээр, шатаар нэлээд удаан өгсөж байж хүрнэ. Хэд хэдэн жижиг сүм, мөргөлийн газар доор байх бөгөөд сард нэг удаа цайны ёслол сурч байхдаа хажуугаар нь өнгөрдөг байв.

Намрын нэг өдөр мөргөлийн сүмийн хажуугаар явж байхад нэгэн залуу нүдэнд тусав. Анх хальт хараад өнгөрсөн ч нэг л юм анхаарал татаж дахин сайн харав. Ажиглаваас дөнгөж 25 гарав уу гэмээр залуу. Хэдий залууг өөдөөс нь биш хажуунаас харж буй ч бүх бие сэтгэлээрээ мөргөж буй нь илт. Хоёр нүдээ тас анин, хоёр гараа таг нийлүүлэн жаахан урагшаа бөхийж бүх биеэ чангалаад, сэтгэл зүрхээ төвлөрүүлээд залбирч буй нь хараагүй хүнд хүртэл мэдрэгдмээр. Дахиад сайн хартал залуугийн яг дээр 安産 (*) гэсэн бичиг... Уншингуут дүр зураг илүү тодорч сэтгэл нэг л тайван, дэлгэр болж билээ... Чимээгүй баяр гэж хэлвэл илүү онох болов уу.

Сүмийн хажуугаар өнгөрөх нэг юмуу хоёрхон минутын хооронд л болсон явдал. Тэрүүхэн зуур анхны хүүхэд нь болов уу, гэр бүл болоод удаагүй болов уу, удахгүй амаржих болов уу, арай дөхөөгүй болов уу... гээд дотроо нэлээд юм бодож таамаглаад. Эхнэрийнхээ төлөө эсэн мэнд амаржаасай гээд сэтгэл зүрхээрээ залбирч буй үл таних залууг хэсэгтээ санаж баярлаж явлаа. Одоо ч гэсэн санах болгонд нэг л гоё болдог. 本当にいいもの見せてもらったと感謝する。

Тэр өдөр давхар бүх эрчүүд залуучуудад аягүй их баярласан өдөр байлаа. Хайртай дуртай гэж дэвэн дэлхийгээр зарлахгүй ч, бэлэг цэцгээр бөмбөгдөж бөс даавуунд бөөцийлэхгүй ч хамаг сайхан сэтгэл нь хаая хаая хальт харагдах. Тэр үед хайр эгдүү зэрэг хүрч 男の子って何か可愛いなぁ гэж бодогдох.

-----------------------------------------------------------------------------------
* 安産　эсэн мэнд амаржих гэсэн утгатай үг, японы зарим сүм мөргөх зорилгоос (өвчин эдгээх, элсэлтий шалгалтанд тэнцэх, хань ижилтэй болох г.м ) хамааран мөргөх газар нь тусдаа байдаг.

Bombardiers & санхүүгийн хямрал

　　... The numbers on the Resolution Trust offering totaled $145 billion, which was to help shut down a few dozen bankrupt savings and load. All of the unpayable debt was being moved off the balance sheets of the government-insured thrifts and into the fineprint footnotes of the government-backed Resolution Trust. It was a perfectly legal accounting transaction that would make the S&Ls' embarrassing $145 billion loss disappear from the public eye, and though the government had done nothing yet to figure out how it was going to pay back the bonds, it did discover that the Federal Reserve could print enough money to pay the interest until it was all figured out.

　　The bonds didn't come due for thirty years, and everyone had confidence that by the year 2024 the United States government would be such a bloated, gargantuan scarfing pig, that it'd never notice this little $145 billion invoice. That would be loose change in 2024. It would be nothing compared to radioactive-uranium storage barrels, which were scheduled to be dug out of the Utah desert in 2020 and atomically defused. It would seem like small potatoes compared to the cost of cleaning up all our river and lakes, which private industry had polluted for 110 years before the government stepped in and told them that what they were doing was perfectly legal. Well heck, the S&Ls had only five or six years to pollute the financial system before the government stepped in and told them that it would bail out all their losses.

　　But still, $145 billion was such a gargantuan, monstrous, scandalous sum that the salespeople couldn't take it seriously and joked about how the RTC ate money like Godzilla ate Tokyo.
　　"They are asking for gillion zillions", Lisa Lisa explained to Honolulu Federal.
　　"A jillion trillions," surmised Regis Reed.
　　"A dillion fillions," Nickel Sansome piped in proudly……..


　　Энийг уншсан хүнд өнөөгийн бүх дэлхийг хамарсан банк санхүүгийн хямрал болон санхүүгийн компаниудыг улсын мөнгөөр аварч буй тухай хорон үгээр ёжилж бичжээ гэж бодогдох байх. Ерөнхийдөө тийм боловч "Bombardiers" он цагийн хувьд аль дивангарын 1995 онд бичигдсэн зохиолын хэсэг гэвэл... давхар бас ондоо зүйл бодогдох болов уу.

　　Өнөөгийн санхүүгийн хямралын гол шалтгааны нэг бол шунал (greed) гэж сонин хэвлэлээр шуугиж байгаа ч аль дээр үеэс л хүн гэдэг амьтан мөнгөнд дуртай байсан, "яахаараа яг одоо шуналаас болж үүссэн хямрал" гэж яриад байнаа... гэх зэрэг энэ бүхэн нэг л бууж өгөхгүй хүмүүс байгаа болов уу. Тэгвэл дээрхийг хэсэгчлан авсан "Bombardiers" зохиол нь санхүүгийн компаниудын гол цөм, өдөрт сая сая долларын худалдаа хийх трэйдэр хүмүүүсийн ажил, цаашилбал ажлынхаа улмаас амьдралгүй болж буй эмгэнэлийг тун ёжтой, хорон үгээр гаргасан зохиол. Өнөөгийн санхүүгийн хямралын цаана ямар хүмүүс ямар систем байгааг олгой толгой онол биш　感覚で ойлгох болно. Мөн америк маягийн капитализмыг хөгжлиийн туйл гэж үздэг хүмүүст хөөрхөн сэргээш болно.

　　Нэмж хэлэхэд зохиолч Po Bronson өөрийнхөө хэдэн жил трэйдэрээр ажилласан туршлагандаа тулгуурлаж бичсэн fiction зохил юм. Багаасаа математикийн олимпиадад оролцож байсан тоонд гаргуун Po компанидаа гэрэлт ирээдүйтэй, 30 орчим насандаа долоон оронт долларын цалинтай гэгдэж байсан боловч зохиолч болох хүсэлдээ хөтлөгдөн ажлаасаа гарсан аж. 30 орчин насандаа баян болоогүй ч мөрөөдөл нь биеэлж "What should I do with my life", "Why do I love these people" зэрэг дэлхийд bestseller болсон ном бичиж хэвлүүлсэн. Btw, энэ хоёр номыг заавал уншаарай гэж санал болгоё. Харин Bombardiers бол чөлөөт цаг байгаад "зад авч задаргах" англи хэллэг сурая гэсэн хүнд recommend.

Рильке, Намар

И. Левитан "Намрын өдөр"

Нэлээд дээхэн Рилькегийн нэг шүлэг толгойноос гардаггүй… ямар сайндаа алсын германд амар тайван амьдран суух Аттила (http://attila.blogmn.net/) андын амгалан байдлыг алдуулан үг, өгүүлбэрийн бүрийн утгыг хэлж өгөөч гэж гуйж байхав. Энэ шүлгийн юу нь яагаад таалагдсан гэдгийг онцолж хэлж мэдкү. Ер нь шүлэг уран зохиол сэтгэлд эсвэл хүрнэ эсвэл хүрэхгүй, зүрхний нэг гохонд эсвэл тээглэнэ эсвэл үгүй ...

Шалтгаан энэ тэрийг хойш тавин шүлгэндээ орвол Рилькегийн "Намар"-ын англи, орос, япон өч төчнөөн орчуулга байдаг юм байна. Бодоход зарим (ихэнхи нь ч юмуу) шүлгийг бүрэн дүүрэн орчуулах аргагүй байдаг. Утгыг нь хадгалахаар хэмнэл алдагдах, хэмнэлийг нь хадгалахаар утга алдагдах гэдэг бол наад захын асуудал. Тиймээс хэд хэдэн орчуулга уншиж байж цаад шүлэг жинхэнэ утгаараа "бууж" байх жишээтэй . Шүлгийн англи, орос, япон орчуулга тавилаа. Мөн Aттилагийн ачаар Рильке-гийн Намрыг монголоор толилуулж байна.

　　Rainer Maria Rilke (1875-1926)
　　Herbst

　　Die Blätter fallen, fallen wie von weit,
　　als welkten in den Himmeln ferne Gärten;
　　sie fallen mit verneinender Gebärde.

　　Und in den Nächten fällt die schwere Erde
　　aus allen Sternen in die Einsamkeit.

　　Wir alle fallen. Diese Hand da fällt.
　　Und sieh dir andre an: es ist in allen.

　　Und doch ist Einer, welcher dieses Fallen
　　unendlich sanft in seinen Händen hält.


　　　　Р. М. Рильке "Намар"
　　　　Орчуулга:　Сүрэн

　　　　Навчис унаж байна, тэртээ дээрээс унаж байна
　　　　Тэнгэрийн цэцэрлэг гандсан мэт
　　　　Унаж буйгаа үгүйсгэх мэт

　　　　Шөнө болохуй, хүнд дэлхий минь унана
　　　　Гариг оддоос холдон ганцаардлын ангал уруу унана

　　　　Бид бас унаж байна, нэг гарын араас нөгөө гар
　　　　Эргэн тойрноо харваас эргүүлэгт буй мэт унаж байна

　　　　Гэвч энэ бүх уналтыг Хэн нэгэн
　　　　Энэрэлт зөөлөн алган дээрээ тосон тогтоож байна.


　　　　Fall　　transl. by Guntram Deichsel

　　　　The leaves are falling, falling as from far
　　　　Where distant with'ring gardens grace the skies,
　　　　Theyr'e falling with a gesture that denies.

　　　　And in the nights the heavy earth falls by
　　　　Into the loneliness, from a far star.

　　　　We all are falling. This hand falls, as it extends.
　　　　And take a look at others. It's in them all.　　

　　　　And yet there's One, holding this fall
　　　　With endless gentleness in both his hands.

　　　　Harvest (Autumn) 　　transl. by A.W. Tüting　

　　　　The leaves are falling as if from afar,
　　　　as if from distant gardens withering in heaven;
　　　　with gestures saying nay they fall.

　　　　And in the nights, lost out of all,
　　　　the heavy earth falls down - a lonely star.

　　　　We all are falling. Nor this hand there stands.
　　　　And see all others: bound to this calling.

　　　　And still, there's Someone holding all this falling
　　　　with tenderness unending in his hands.


　　　　Осень　　　пер. Александр Шапиро

　　　　Листы летят, летят издалека
　　　　Увядшие в саду небесном, дальном,
　　　　И тихим «нет» качаются печально, 　

　　　　А ночью, в одиночестве астральном
　　　　Тяжелый шар спускается в века.

　　　　Мы падаем. Вслед за одной рукой —
　　　　Другая. Лишь Единый за веками

　　　　Непреходяще нежными руками
　　　　Приемлет все падения в покой.

　　　　----------------------------

　　　　И падает, и падает листва,
　　　　как если бы с небес она спадала
　　　　и с жестом отрицанья увядала.

　　　　В ночи планета падает устало,
　　　　со звездами не чувствуя родства.

　　　　Мы падаем. И падает рука.
　　　　Взгляни же вновь: паденье неизбежно.

　　　　Но есть Один: так ласково и нежно
　　　　Он держит все падения в веках.

　　　　
　　　　秋　　飯吉光夫 訳　

　　　　木の葉が落ちる 落ちる 遠くからのように
　　　　空はるかにある庭が枯れたように
　　　　いやいやの身ぶりをしながらも 落ちる

　　　　そして この重い地球も 夜々に
　　　　ほかの星たちからはなれて
　　　　さびしいところへ落ちる

　　　　ぼくらはみんな落ちる このぼくの手も落ちる
　　　　まわりをごらん なにもかもが落ちる

　　　　でも ただひとり この落ちるみんなを
　　　　両方の手でこよなくやさしく
　　　　うけとめるものがいる

　　　　秋　　山口四郎訳

　　　　樹の葉が落ちて来る
　　　　何処か遠くから落ちて来るみたいだ
　　　　遠い天上の庭で
　　　　樹々が末枯（すが）れているのかもしれぬ
　　　　なんだかみんな
　　　　否（いな）むような素振りをしながら落ちて来る
　　　　重いこの地球も
　　　　こうして夜ごと
　　　　すべての星たちの間から
　　　　孤独の中に落ちてゆく
　　　　われわれはみな落ちてゆく
　　　　ほら、この手だって落ちる
　　　　凝（じ）いっと他のものを見て見給え
　　　　これがすべてのものの運命なのだ
　　　　だが何処かに
　　　　こうしてすべてが落ちてゆくのを
　　　　無限にやさしく
　　　　その手に受け止めているものがある

Ха-ха-ха чадчихлаа

　　

Ха-ха-ха чадчихлаа гээд ирландын тусгаар тогтнолын төлөө тууштай тэмцэгч Артур О’Коннор английн шоронгоос суллагдахдаа элгээ хөштөл инээсэн нь гарцаагүй...

Артур О’Коннор 1798 оны Ирландын их бослогын (Irish rebellion) үеэр францын засгийн газраас тусламж дэмжлэг эрэхээр Парис явах замдаа баривчлагдан эзэн хааныхаа эсрэг босч их гүрний эв нэгдлийг бусниулсан хэргээр шороонд хоригдож байжээ. Тэрээр шоронд байхдаа доорх шүлгийг бичсэн агаад хийсэн хэрэгтээ гэмшсэн төдийгүй "хүний эрх", "эрх чөлөө" -ний тухай үзэл баримтлалыг жигшин зэвүүцэж эзэн хаандаа "үнэнч" үлдсэн мэт английн эрх мэдэгч нарт итгүүлж чаджээ.

Шүлгийн эхний бадгийг товчилбол "хэн хүнээс илүү эзэн хаанаа магтан дуулна би" гэсэн утгатай. Хоёрдугаар бадагт "Томас Пэйн тонилох болтугай, эрх чөлөө, хуульт ёсыг мандуулсан франц улс сөнөх болтугай" гэсэн тул английн эрх мэдэгч нар омог бардам ирланд тэмцэгчийг буулгаж авлаа гэж баярласан нь гарцаагүй.

　　　The pomp of courts, and pride of kings,
　　　I prize above all earthly things;
　　　I love my country, but my king,
　　　Above all men his praise I’ll sing.
　　　The royal banners are display’d,
　　　And may success the standard aid:

　　　I fain would banish far from hence
　　　The Rights of Man and Common Sense.
　　　Destruction to that odious name,
　　　The plague of princes, Thomas Paine,
　　　Defeat and ruin seize the cause
　　　Of France, her liberty, and laws.

Харин энэ шүлэг нэг "но"-той нь хоёр бадгийг зэрэгцүүлж уншвал шүлгийн утга тэс ондоо болох бөгөөд яруу найрагч англи түшмэдийг хууран мэхэлж чадсан нь илт:

　　　Arthur O’Connor　
　　　(1765-1852)

　　　The pomp of courts, and pride of kings,
　　　　　　　I fain would banish far from hence

　　　I prize above all earthly things;
　　　　　　　The Rights of Man and Common Sense.

　　　I love my country, but my king,
　　　　　　　Destruction to that odious name,

　　　Above all men his praise I’ll sing.
　　　　　　　The plague of princes, Thomas Paine,

　　　The royal banners are display’d,
　　　　　　　Defeat and ruin seize the cause

　　　And may success the standard aid:
　　　　　　Of France, her liberty, and laws.

Энэ шүлэг яагаад "one of the cleverest political poems" гэж нэрлэгдэх болсон нь илт болов уу.　Нэмж хэлэхэд шүлэгт дурдагдаж буй Томас Пэйн 1776 онд америкийн эрх чөлөө, тусгаар тогтнолын төлөө тэмцэлд түлхэц өгсөн "Common Sense" –ийг бичсэн бөгөөд тэр нь хожим "Эрх чөлөөний тунхаглал"－д тусгалаа олсон. Мөн түүний 1791 онд бичсэн "Хүний эрх" нь либерализмын үндэс суурь болсон бүлгээ.

　　Link(s) to this post:　

• http://query.nytimes.com/mem/archive-free/pdf?res=9E03EFDB1139E033A25752C0A9649D94649ED7CF

The More Loving One

Хаанаас ч юм олж уншсан “if equal affection cannot be, let the more loving one be me” гэсэн мөр сэтгэлд хоногшоод удаж байсан. Харин саяхан google гайхлын ачаар жинхэнэ эхийг нь олоод, зохиогч нь Одэн гэдгийг мэдээд 　internet, PC, IT зэргийг хөгжүүлсэн залуучууд ба бүсгүйчүүдэд　асар их хайр хүрэв.

Нэмж далийхад “go to hell”, “give a damn” гэх мэт хэллэг өнөө үед олонтаа хэрэглэгдэх ч шүлэг зохиогдсон 60-д онд ийм үг цаасан дээр буулгана гэдэг нэлээд тэрслүү, чөлөөт сэтгэлгээтэй хүний шинж болов уу. Аль эсвэл вьетнамын дайн, харуудын сонгуулийн эрхийн төлөө тэмцэл, олон улсын оюутны хөдөлгөөн, хүйтэн дайн, социализм коммунизм... амьсгалах агаарын атом молекул бүрт idea, ideal шингэж орон орны залуучууд сайн сайхан нийгэм үүсгэн байгуулахын төлөө бодож маргаж тэмцэж байсан цаг үеийн илрэл болов уу...

Бас цааш нь далийхад, амархан үг хэллэгтэй Одэны шүлгүүд орчуулахад хүрвэл аягүй хэцүү санагддаг. Дээр оруулсан цаазаар авах ялын өмнө Тичборны бичсэн шүлэгтэй харьцуулахад энэ шүлэг илүү хэцүү мэт... Гэхдээ хэмжээ хязгаараа мэдэх тул мэдээжийн хэрэг орчуулна гэж бодох ч үгүй л дээ.

　The More Loving One
　W.H. Auden

　Looking up at the stars, I know quite well
　That, for all they care, I can go to hell,
　But on earth indifference is the least
　We have to dread from man or beast.

　How should we like it were stars to burn
　With a passion for us we could not return?
　If equal affection cannot be,
　Let the more loving one be me.

　Admirer as I think I am
　Of stars that do not give a damn,
　I cannot, now I see them, say
　I missed one terribly all day.

　Were all stars to disappear or die,
　I should learn to look at an empty sky
　And feel its total dark sublime,
　Though this might take me a little time.

Аметист буюу нил ягаан болор

　　Amethyst
　　James Joyce (1882-1941)

　　The twilight turns from amethyst
　　To deep and deeper blue,
　　The lamp fills with a pale green glow
　　The trees of the avenue.

　　The old piano plays an air,
　　Sedate and slow and gay;
　　She bends upon the yellow keys,
　　Her head inclines this way.

　　Shy thoughts and grave wide eyes and hands
　　That wander as they list -
　　The twilight turns to darker blue
　　With lights of amethyst.

　　　　　
　　　　　　Жэймс Жойс "Нил ягаан болор"
　　　　　　Орчуулга: Сүрэн, С.Наранжаргал

　　　　　　Үдшийн бүрий нил ягаан болороос
　　　　　　Улам гүн, хөх өнгөнд хувилав
　　　　　　Өвгөн дэнлүү номин ногооноор
　　　　　　Өргөн чөлөөний моддыг гэрэлтүүлэв　

　　　　　　Хуучин хуурын танил аялгуу нь
　　　　　　Хөгжүүн боловч намуун, дөлгөөн.
　　　　　　Хонгор бүсгүйн хуруу даруул дээр бүжнэ
　　　　　　Хөгөө дагаад толгой нь үл мэдэг хөдлөнө

　　　　　　Аялгуунд автан мөрөөдөл, гуниг хослоход
　　　　　　Алаг нүд нь гэрэлтэж, алдлан гараа дэлгэнэ
　　　　　　Үдшийн бүрий гүн хөхөөр сүүмийж
　　　　　　Нил ягаан болорын түмэн туяа цацруулна


　　　　　　　　　　　Джэймс Джойс "Аметист"
　　　　　　　　　　　перевод　Г. Кружкова и А. Ливерганта

　　　　　　　　　　　Вечерний сумрак - аметист -
　　　　　　　　　　　Все глубже и синей,
　　　　　　　　　　　Окно мерцает, как светляк,
　　　　　　　　　　　В густой листве аллей.　

　　　　　　　　　　　Старинный слышится рояль,
　　　　　　　　　　　Звучит мажорный лад;
　　　　　　　　　　　Над желтизною клавиш вдаль
　　　　　　　　　　　Ее глаза скользят.　　

　　　　　　　　　　　Небрежны взмахи рук, а взгляд
　　　　　　　　　　　Распахнут и лучист;
　　　　　　　　　　　И вечер в россыпи огней
　　　　　　　　　　　Горит, как аметист.

Тичборн... ойлгов

Өмнөх бичлэгтээ танилцуулсан Тичборны шүлэг хэсэгтээ толгойд эргэлдээд...
Мөн шүлгийн сүүлийн хоёр мөр нэг л “бууж өгөхгүй” толгой гашилгаад. Тэгээд яахав, юун төлөө орчин цагт гүүгл гэгч буянт сайхан юм байгаа билээ, будаа идэхдээ сайн хүн сурсан ганц эрдмээрээ search хийж үзэв. Үр дүнгээс нь хуваалцвал:

Мунхаг миний англи хэлний мэдлэг муу тул сүүлийн хоёр мөрний glass гэдэг үгийг анхандаа стакан, хундага гэж ойлгож байсан. Тиймээс "My glass is full, and now my glass is run" мөрийг “хундаг минь дүүрэн байснаа дундарч дууслаа” буюу “үхэх цаг ойртлоо” гэсэн утгатай зүйрлэл гэж ойлгосон ухаантай.

Glass гэдэг үгний миний мэдэх хэдэн утга гэвэл 1) шил 2) стакан 3) нүдний шил, линз
тэгээд л гүйцээ. Тэгсэн захын англи-япон хэлний толиноос харахад 砂時計(элсэн цаг) 、温度計(термометр)、晴雨計(барометр) зэрэг үгнүүд жирийж байх юм. Ийнхүү англи хэлэнд элсэн цагийг sandglass гэж хэлдэг ч hourglass, glass зэрэг ондоо хэллэг ч олонтаа хэрэглэгддэгийг мэдэж авав. Ер нь дээр үед зурган дээрх элсэн цагийг ихэвчлэн hourglass гэдэг байж: http://en.wikipedia.org/wiki/Hourglass

Дундад зуун болон сэргэн мандалтын үеийн европын уран зураг урлагт элсэн цаг нь хүний амьдрал дэндүү богино, харвасан сум шиг агшим зуур өнгөрөхийн илэрхийлдэг байсэн гэнэ. Тиймээс шүлгийн сүүлчийн мөрийн “my glass is run” бол “my time has run out” гэсэн утгатай ажээ.

Тичборны эллеги

Цаазаар авах ял сонссон хүний сэтгэл санааны байдал... доорх шүлгийг унших бүр энэ тухай бодогдох. Сократ болон Бруно шиг ял оноож буй та нар яллуулж буй надаас илүү айн чичирч байна гэх эрэлхэг зоригтон байх. Айдас солиорлын заагт очих нэгэн байх. Амьдралаа эргэцүүлэн бодож ганцхан удаа өөрт нь сайн үг хэлсэн багшдаа захиа бичсэн япон залуу ч байх. Ямар үйл юу хийснээс үл хамааран хувь хүн “ямар хүн” болох нь хамгийн их танигдах мөч болов уу...

Тэгэж бодохоор алаг хорвоод амьд явах хугацаа өдрөөр биш цагаар багасч үхэл хагацлын ирмэг хором хормоор ойртон буй энэ үед шүлэг бичнэ гэдэг... Нэг бодлын дэндүү emotional шүлэг болох аюултай, аль эсвэл хэт бардам хатуу үг зонхилох нигууртай. Мэдээжийн хэрэг сэппүкү, харакири хийхийнхээ өмнө танка бичдэг эртний уламжлалтай, дайчин хүн хэрхэн амьд явахаас хэрхэн үхэх нь хамгаас чухал гэж насаараа заалгасэн япон самурай хүний сэтгэл зүйн байдал нэг өөр. Хубилай хааны үед японд цаазлагдсан монгол элчийн шүлэг бас өөр:

　　　Илд исгэрэхэд энэхэн бие өмхөрч одно
　　　Их хэргийн санааг гэвч
　　　Энэ илд хорихгүй.
　　　Салхи исгэрэхэд үүлс хуйларч одно.
　　　Санаа зориг хоёрыг гэвч
　　　Салхи ч, илд ч мохоохгүй

Харин дорно биш өрнө гэвэл миний хувьд цаазаар авах ялын өмнө бичсэн шүлгийн хоёр л оргил байна. Нэг нь “удахгүй муу хүзүү минь бөгсний хүндийг мэдэх болно” гэсэн тэрслүүт Вийоны алдарт ёгт дөрвөн мөр. Нөгөө нь Chidiock Tichborne-ны бичсэн доорх эллеги болно. Гэхдээ мэдээжийн хэрэг ийм шүлгэнд оргил тогтооно гэдэг... хэхэ тиймэрхүү л дээ.

16-р зууны англид амьдарч байсан католик шашинтай Chidiock Tichborne нь Элизабет хатан хааны нууц аллага зохион байгуулахад оролцсон хэргээр цаазаар авахуулж Мэри Стюартын (Mary Queen of Scots) төлөө амиа золиосолсон олон эрчүүдийн нэг болсон. Дундад зууны англид эзэн хааны эсрэг хуйвалдааныг treason гэх бөгөөд хүн алах, хулгай хийх гэмт хэргээс хамаагүй хатуу харгисаар шийтгэдэг байв. Treason-ы ял нь "hanged, drawn and quartered" (дүүжилсний дараа гэдэс дотрыг нь гаргаж мөчлөх http://en.wikipedia.org/wiki/Hanged,_drawn_and_quartered)　тул цаазын орой шүлгээ бичиж суусан Тичборныг юу хүлээж байсныг бодохоор арын үс босмоор аймаар.

Цаг үеийн хатуу ширүүнд олон хүн шийтгүүлсэн ч цаазын индэрт гарахаас өмнө бичсэн ганц шүлэг нь Тичборныг олноос онцолж он цагийн нугалаанд мартагдахааргүй болгож мөнхрүүлсэн. Залуу хүний бүх авьяас ганцхан шүлэгт зангирч одоогоор хараахан амьд боловч тун удахгүй агаар амьсгалах хувьгүй болохоо “And now I live, and now my life is done” гэсэн нь нэг л аймаар, цөвүүн хэрнээ нэг л тайван...

　　　Chidiock Tichborne (1558-1586)

　　　My prime of youth is but a frost of cares,
　　　My feast of joy is but a dish of pain,
　　　My crop of corn is but a field of tares,
　　　And all my good is but vain hope of gain;
　　　The day is past, and yet I saw no sun,
　　　And now I live, and now my life is done.

　　　My tale was heard and yet it was not told,
　　　My fruit is fallen, and yet my leaves are green,
　　　My youth is spent and yet I am not old,
　　　I saw the world and yet I was not seen;
　　　My thread is cut and yet it is not spun,
　　　And now I live, and now my life is done.

　　　I sought my death and found it in my womb,
　　　I looked for life and saw it was a shade,
　　　I trod the earth and knew it was my tomb,
　　　And now I die, and now I was but made;
　　　My glass is full, and now my glass is run,
　　　And now I live, and now my life is done.

P.S. Шүлгийн эхэнд Tychbornes Elegie, written with his owne hand in the Tower before his execution (цаазын өмнөх шөнө Тауэр цамхагт өөрийн гараар бичсэн болно) гэсэн тайлбар байна.

Үхэшгүй мөнхийн туульч

Өмнөх блог болон өнөө маргаашаас бичихээр зэхэж байгаа тэмдэглэлээ бодохоор өөрийн эрхгүй Шекспирийг бүрэн дүүрэн ойлгоно гэдэг мань мэтийн хазаж дийлэхгүй "хатуу боорцог" мэт санагдана. Гэхдээ яахав, роботуудын тухай цуврал өгүүллэгээрээ алдартай Азимовын энэ алиа өгүүллэгийг уншихаар "хазаж дийлэхгүй" нь би ганцаар биш юм байна гээд тайширчихна...

　　Isaac Asimov "The Immortal Bard", 1957
　　Орчуулга: Сүрэн

- Тийм шүү гэж хэлснээ доктор Финеас Уэлч үргэлжлүүлээд "би нэрт хүмүүсийн сүнсийг дуудаж чадна" гэв. Финеас Уэлч хальт халамцуу байсан юм л даа, үгүйсэн бол юу гэж ийм юм хэлэхэв. Гэхдээ зул сарын баярын үдэшлэг дээр жаал ууж согтоход буруудах юм юу байхав.
　Англи хэл уран зохиолын залуу багш Скотт Робертсон нүдний шилээ зассанаа юу сонсчих нь энэ вэ гэсэн байдалтай эргэн тойрноо эргүүлж харав.
- Доктор Уэлч, та үнэнээсээ ярьж байна уу?
- Мэдээжийн хэрэг. Тэгэхдээ зөвхөн сүнсийг нь биш биеийг нь ч бас авчирна шүү.
- Гэхдээ тэр чинь боломжгүй зүйл гээд Робертсон уруулаа жимийлгэв.
- Яагаад боломжгүй гэж. Ердөө л цаг хугацаанд байршил байраа өөрчлөх асуудал.
- Та цаг хугацаанд аялах тухай яриад байна уу? Гэхдээ тэр чинь ... ер бусын зүйл биз дээ.
- Аргаа мэдэж байвал ч амархан л даа.
- Доктор Уэлч, ямар арга вэ?
- Ингээд л хэлчихнэ гэж санаа юу? Физикийн багш асуултыг асуултаар хатуу хариулаад эргэн тойрноо харж архитай хундага хайсан боловч нэгийг ч олж харсангүй.

- Би нэлээд хэдийг манайд авчирч байсан шүү гэж тэрээр яриагаа үргэжлүүлэв. Архимед, Ньютон, Галилей гээд. Хөөрхий амьтад!
Робертсон багшид энэ яриа хөгжилтэй санагдаж эхэлсэн бололтой тэрээр
- Манай цаг үе тэдэнд таалагдаагүй гэж үү? Орчин үений шинжлэх ухаан техникийн ололт амжилтыг хараад ёсой мэл гайхсан байх даа гэв.
- Мэдээж. Мэдээжийн хэрэг гайхалгүй яахав. Ялангуяа Архимед. Багадаа албадуулан байж чүү чаа сурсан грек хэлээр хэдэн юм тайлбарлаад өгсөн чинь баярласандаа галзуурчих вий гэж айсан шүү. Гэсэн ч...
- Юу болсон бэ?
- Юу ч болоогүй. Зүгээр л өөр орчин, өөр соёл. Тэд бидний амьдрал, орчин үеийн хэв маягт дасч ерөөс чадаагүй. Маш их ганцаардаж бас айж эмээж байсан... Тэгээд л тэднийг буцаахаас өөр аргагүй байсан.
- Харамсалтай л юм.
- Хэлээд юу гэхэв. Сод ухаантай алдар суутнууд. Даанч уян хатан сэтгэлгээ тэдэнд үгүйлэгдэж байв. Тийм л учраас би Шекспирийг авчирахаар шийдсэн юм даа.
- Хэнийг гэнээ! уран зохиолын багш тул Роберсон өөрийн эрхгүй уулга алдав.
- Залуу минь дуугаа аяд. Олны газар эвгүй юм биш үү.
- Та Шекспирийг манайд авчирсан гэсэн үү?
- Тэгсээн, Шекспирийг авчирсан. Төгс сэтгэлгээтэй хүнийг л авчирах хэрэгтэй байсан юм. Хүмүүсийг сайн мэддэг, хүнийг таньж чаддаг, өөрийн цаг үеэс хэдэн зуун жилээр холдсон ч алзахгүй амьдрах чадвартай, тийм л хүн хэрэгтэй байлаа. Шекспир бол яах аргагүй тийм хүн мөн. Нээрээ, надад түүний гарын үсэг байгаа шүү, дурсгал болгож авсан юм.
- Танд одоо байна уу? – Робертсоны нүд нь гялалзаж байв.
- Энд байгаа гэснээ Уэлч халаасаа уудлан Робертсонд хатуу дөрвөлжин цаас сунгав. Цаасны нэг талд "Л. Кейн ба хөвгүүд. Бөөний худалдаа" гэсэн бичиг, нөгөө талд нь тод бөгөөд томоор "Уилм Шекспир" гэсэн гарын үсэг байв.

Гэнэт түгшүүрт гэмээр нэгэн таамаг санаанд нь орж ирэхэд Робертсон
- Түүний гаднах байдал ямар байв ? гэж сандран лавлав.
- Зурган дээр байдгаас тэс ондоо шүү. Хав халзан бөгөөд хачин муухай сахалтай. Чамин сайхан аялгаар ярина. Мэдээжийн хэрэг манай эрин үе таалалд нь нийцээсэй гэж би чадах бүхнээ хийсэн. Түүний жүжгүүдийг бид өндрөөр үнэлж өдий хүртэл театрт тоглуулж буй тухай хэлсэн. Уран бүтээл нь англи төдийгүй дэлхийн уран зохиолын өв санг баяжуулсан тухай ярьж өгсөн.
- Тийм үү, сайн, сайн байна – Робертсон амьсгаа даран чагнаж байлаа.
- Тэгээд барахгүй хүмүүс жүжгүүдийнх нь тухай тайлбар ном боть ботиор бичсэнийг хэлэхэд өөрийн нүдээр үзэхийг хүссэн тул би номын сан хүртэл дагуулж явсан.
- Тэгээд?
- Өө, ёстой мэл гайхаж байсан. Мэдээж өнөөгийн бидний үг хэллэг, 1600 оноос хойш тохиолдсон түүхэн үйл явдлыг ойлгоход хэцүү байсан байх л даа, гэхдээ би тусалсан юм. Хөөрхий амьтан! Өөрийг нь ингэж магтаж мандуулна чиг бодоо ч үгүй байсан юм билээ. "Бурхан минь! Энэ таван зуун жилийн дотор үгийг ингэтэл эргүүлнэ гэж! Хүн хүсвэл нэг муу нойтон даавууг үер ус урстал базгаж дөнгөх юм байна" гээд л байн байн давтаж хэлээд байсан.
- Шекспир тийм юм хэлнэ гэж байж боломгүй.
- Яагаад үгүй гэж? Шекспир жүжгүүдээ маш хурдан бичдэг байсан гэсэн. Товлосон хугацаанд амжиж дуусгахын тулд. "Гамлетыг" бол хагас жил хүрэхгүй хугацаанд бичсэн гэнэ лээ. Хуучин сэдэв байсан, зүгээр л жаахан зүлгэсэн юм гэж байсан.
- Зүлгэвэл жирийн шил ч од гариг харах дурангийн линз болдог ! гээд англи хэл уран зохиолын багш ихэд эгдүүцсэн аястай хэлэв. Даанч физикийн багш түүнийг сонсох сөхөөгүй байлаа. Тэрээр барны тавцан дээр хүний гар хүрээгүй хундага коктэйль олж хараад сэмхэн тийш нь дөхөж эхэлснээ
- Үхэшгүй мөнхийн туульчдаа би одоогийн их сургуулиудад Шекспирийн сургалт курс хүртэл байдаг тухай ярьсан гэв.
- Би тийм сургалт хичээл заадаг.
- Мэднээ хө. Би түүнийг таны заадаг оройн хичээлд оруулсан юм. Вилли шиг хойч үеийнхэн өөрийг нь хэрхэн үнэлэснийг мэдэх гэж мэрийх хүн би лав хараагүй. Ёстой хичээсэн шүү, танай тэр муу дамжаанд.
- Та Уильям Шекспирийг миний хичээлд суулгасан гэв үү? – Робертсон амандаа бувтнаж хэлээд энэ бүхэн согтуу хүний солиорол байлаа ч толгой эргэмээр юм гэж бодов. Гэхдээ солиорол гэж үү? Робертсон сонин дуудлагатай халзан толгойтой хүн дамжаанд нь байсныг санаж эхлэв…

- Мэдээж би түүнийг ондоо нэрээр бүртгүүлсэн л дээ. Хөөрхий амьтан хэрхэн зовсоныг ярих хэрэг байна уу… Тэр бол миний маш том алдаа байсан. Маш том алдаа. Хөөрхий Вилли! гээд Уэлч багш хундага дарсаа нэг гартаа барин толгой сэгсрэв.
- Яагаад алдаа байсан гэж? Юу болсон бэ?
- Би түүнийг 1600 он уруу буцаах болсон ! – уцаарлангуй хэлэхэд Уэлч багшийн дуу өөрийн эрхгүй чангарав. – Хүнийг ер тэгтэл нь дооглож доромжилж болох уу?!
- Та юун тухай, ямар доромжлол ярина вэ?
Доктор Уэлч хундага дарсаа нэг амьсгаагаар ууснаа
- Ямар гэнээ! Жаал минь чи улирлын шалгалт авахдаа Шекспирийг унагаачихсан! гэв.

Зургаан Ричмонд

Англид хоёр л хаан дайны талбарт амь үрэгдсэний нэг нь Шекспирийн ачаар түүх төдийгүй уран зохиолд мөнхөрсөн Йорк удмын сүүлчийн хаан Ричард юм. Түүнийг 1845 онд Bosworth-ын тулалдаанд алуулахад английн хаан ширээнд Тюдорын удмынхан заларч 30 жил үргэлжилсэн Улаан ба Цагаан сарнайн дайн дууссан ажээ.

Оршлоо үүгээр өндөрлөөд гол яриандаа орвол Шекспирийн “Ричард III” жүжгийн төгсгөлд Bosworth-ын тулалдаанд Ричард хаан эр зоригийн гайхамшгийг гарган байлдах тухай хэсэг байдаг(*):

CATESBY
Rescue, my lord of Norfolk, rescue, rescue!
The King enacts more wonders than a man,
Daring an opposite to every danger.
His horse is slain, and all on foot he fights,
Seeking for Richmond in the throat of death.
Rescue, fair lord, or else the day is lost!

KING RICHARD
A horse, a horse, my kingdom for a horse!

CATESBY
Withdraw, my lord. I’ll help you to a horse.

RICHARD
Slave, I have set my life upon a cast,
And I will stand the hazard of the die.
I think there be six Richmonds in the field;
Five have I slain today instead of him.
A horse, a horse, my kingdom for a horse!

Ричард хаан ганц морины төлөө газар улсаа өгөхөд бэлэн байна гэснийг нэлээд олон хүн зарц Catesby-ийн адил андуурч ойлгон “хаан дайны талбараас зугтаж амиа аврахыг зорьсон өчүүхэн хэрэг” гэж дүгнэх боловч тэр нь “my kingdom for a horse!” гэсэн нэг л мөрөөр хийсэн эндүү ташаа дүгнэлт юм. Үргэлжлүүлэн уншихад зарцдаа хэлж буй үгнээс Ричард хаан эцсээ тултал дайтахаар шийдсэн нь илт болов уу. За энэ ч яахав, та нар андуураад байна, андуураад байна, залхууралгүй гүйцэд унш гэхэд ойлгомжтой болох асуудал. Харин Ричард хааны

I think there be six Richmonds in the field;
Five have I slain today instead of him.

гэсэн үг үнэхээрийн толгой гашилгам. Уул нь нөгөө талд нэг л Ричмонд гэдэг хүн байгаа, түүнийг алах нь хааны гол зорилго болоод байгаа. Яахаараа, газрын хаанаас дайны талбарт ЗУРГААН Ричмонд гараад ирдэг байнаа… гэж баахан гайхаж оройнхоо хэдэн үрчлээг олс ээрэх мэт чангалж байгаад give up болж билээ. Sorry, миний thinking process хэнд ч сонирхолгүй тул яриандаа эргэж оръё.

Утас зүүгээ дагана, унтаахай зүүдээ дагана гэдэг шиг морьтон монголчууд бидэнд дундад зууны дайн дажин гэхээр бөөн морь унаж давхисан, нум сум харвасан дүр зураг буух байх. Ричард хаан эцсийн тулаандаа байлдаж байсан нь монголд Мандухай сэцэн хатан, Батмөнх Даян хаан улс гүрнээ нэгтгэхийн төлөө үзэж тарж байсан үетэй давхцах тул арга ч үгүй байх. Угаасаа монгол хэлэнд “дайнд мордох”, “цэрэгт мордох” гэх хэллэг байдгийг ч хэлэх үү... Anyway, дахиад далийх нь.

Дундад зууны үеийн англид морь гэгч худалдаж авахад үнэтэй, тэжээж сургахад үнэтэй, зардал чирэгдэл тун ихтэй амьтан байж. Ердийн үед тэжээж тордох тусгай хүн хэрэгтэй, дайны үед тусгай хуяг дуулга хэрэгтэй. Тиймээс зөвхөн баян язгууртан хүмүүс л хүлэг морь тэжээх бололцоотой бөгөөд дайн дэгдэхэд жирийн харц цэргүүд явган, ихэс дээдэс морьтой байлддаг байж. Мөн язгууртнууд дээрх зурган дээрх шиг нүүр биеийг битүү далдалсан хуяг дуулгатай байлдах тул хэнтэй үзэлцэж хэнийг алснаа тулааны халуунд мэдэхгүй тохилдол нэлээд гарна. Энэ бүхнийг Шекспирын төрөл бүрийн зүйрлэл, зүйр үг хэрэглэх "хобби"-той нийлүүлэн бодоход “зургаан морьтоны” утга аяндаа тодроод ирнэ.

Ричард хаан “дайны талбарт зургаан Ричмонд байсны тавыг нь би аллаа” гэж буй нь хуяг дуулгатай зургаан морьтоны хэн нь ч Ричмонд байж магад тул “таван морьтон” буюу язгууртан алсан гэсэн зүйр үг юм. Алсаныхаа дараа дуулгыг нь сөхөж үзэхэд хэн нь ч Ричмонд биш байсан тул одоо үлдсэн ганц морьтон гарцаагүй Ричмонд мөн, нэг морины төлөө эзэнт гүрнээ өгөөд ч гэсэн түүнийг ална гэсэн утгатай ажээ.

---------------------------------------------------------------------------

• орчин цагийн англи хэлэнд хөрвүүлсэн нь:　http://nfs.sparknotes.com/richardiii/page_338.html
• өнөө үед “my kingdom for a horse” ямар утгатай болсныг эндээс үзнэ үү: 　http://everything2.com/title/A+horse%2521+A+horse%2521+My+Kingdom+for+a+horse%252 http://www.phrases.org.uk/meanings/186700.html
  

Шатар, Шекспир & маньякууд

Голландын зураач Карел ван Мандер 1603 онд нэг жил англид амьдрахдаа шатар тоглож буй хоёр хүний зураг зуржээ. Өнөө үед нэлээд олон судлаачид зурган дээрх хоёр шатарчны нэг нь Бен Жонсон нөгөө нь Уильям Шекспир гэж дүгнэх аж.

Шатрын ч юмуу, зургийн ч юмуу, Шекспирын ч юмуу... anyway, зарим маньяк баагийнууд дээр үед шатрын хөлгөн ямар байсныг сайтар гэгчийн судласан гэнэ. Судлаад барахгүй дууриалган тоглож үзээд хар тэмээгээр C3 уруу нүүвэл цагаан мад болохыг тогтоосон гэнэ. Тиймээс дээрх бол Шекспир гартаа хар тэмээ барин муу Жонсонг мадлах агшинг зурсан зураг...

Энэ бүхнийг судалж суудаг баагийнууд яах аргагүй маньякууд.
Шатрын тоглоомыг ягштал зурсан Мандер ч бас тэрүүхэндээ... маньяк юм гэж бодогдов.

Мандер Шекспирийн "Өвлийн үлгэр" зохиолын үйл явдал Богем нутгийн (одоогийн Чех улс) тэнгис далайн эрэг дээр өрнөхийг шүүмжилж Богем далайд гарцгүй тул зохиолоо засч залруул гэж "жижиг сажиг" олон юман дээр Шекспирийг зэмлэдэг байж. Гэхдээ хэнэггүй найзынхаа агуу авьяасыг асар өндрөөр үнэлэх агаад нас барахад нь "Анд чамдаа" шүлэг зориулсан ажээ.

P.S　I know, энэ тэмдэглэл шүлэг зохиолтой ямар ч холбоогүй. Гэхдээ яахав, шүлэг бичдэг хүнтэй холбоотой гэж бодоод оруулав.

Хайрлах уу, эс хайрлах уу

Alfred Edward Housman (1859-1936)

　　When I was one-and-twenty
　　I heard a wise man say,
　　‘Give crowns and pounds and guineas
　　But not your heart away;
　　Give pearls away and rubies
　　But keep your fancy free.’
　　But I was one-and-twenty,
　　No use to talk to me.

　　When I was one-and-twenty
　　I heard him say again,
　　‘The heart out of the bosom
　　Was never given in vain;
　　’Tis paid with sighs a plenty
　　And sold for endless rue.’
　　And I am two-and-twenty,
　　And oh, ’tis true, ’tis true.

Хальт уншихад энэ шүлгийн утга тун энгийн. Алт мөнгө, алмаз эрдэнээ хүнд өгч болно, гагцхүү хамгийн нандин эрдэнэ болох зүрх сэтгэлээ л хэнд ч өгч үл болно гэсэн сургааль аятай шүлэг. Нэгэн залуу 21 насандаа ухаант хүний хэлсэн үнэхүү сургаалийг нэг чихэрээ оруулаад нөгөөгөөрөө гаргах боловч 22 насандаа дурлал нь бүтэхгүй болмогц үнэн үг байжээ гэдгийг ухаарна. Тэгээд л болоо. Монголоор бол “байдаг л бараа”, оросоор бол “банальность”гэмээр шүлэг. Гэвч бяцхан "но" байна...

Алфрэд Хаусман одоогоос зуугаад жилийн тэртээ англид аж төрөн амьдран сууж шүлэг зохиолоо туурвиж байсан тул шүлгийнх нь үг хэллэг үл ялиг хуучирсан нь мэдээжийн хэрэг. Гэсэн хэдий ч орчин цагийн англи хэлнээс онцын ялгагдах юмгүй. Тиймээс хамгийн сүүлийн нэг мөр буюу ’tis true, ’tis true тун сонин сондгойрч харагдана. Зохиолч зүгээр л "it's true" буюу "үнэн" гээд хэлчихгүй яагаад зориуд ийм хэллэг хэрэглэсэн юм бол гэж бодохоор жаахан хаачин санагдана. Түүнээс гадна Хаусмэн шиг хүн "зүрх сэтгэлээ харамла, хүнийг бүү хайрла" гэх мэт утгатай шүлэг бичнэ гэдэг бүр ч сонин.

Гүүглээр "when i was one-and-twenty analysis" гээд хайгаад үзэхэд 6,000,000 хариу гарч ирэх бөгөөд ихэнхи нь... за үнэнийг хэлэхэд би "ихэнхи"-ийг нь уншаагүй, зүгээр эхний хэдэн нүүрний дүнгээс харахад "хайр сэтгэлээ хэн нэгэнд зориулахда тун болгоомжтой байх хэрэгтэй" гэж энэ шүлгийг дүгнэсэн нь олон (*) . Мөн шүлгийн орос орчуулга ч тийм утгатай байна.

Харин утга учир, үнэний эрэлээ эцэс төгсгөлөөс нь эхлэх буюу нөгөө сонин санагдаад байгаа"’tis true, ’tis true"– гээ гүүглээр хайгаад үзвэл энэ нь Шекспирийн "Гамлет" жүжгийн мөр болох нь хамгийн эхний линкнээс л тодорхой болно. Ингэхэд Гамлетэд энэ мөрийг хэн хэлдэг билээ?

　　Polonius　
　　Your noble son is mad:
　　Mad call I it, for to define true madness,
　　What is't but to be nothing else but mad?
　　But let that go.

　　Queen
　　More matter with less art.　

　　Polonius
　　Madam, I swear I use no art at all
　　That he's mad, 'tis true, 'tis true 'tis pity,
　　And pity 'tis 'tis true—a foolish figure,
　　But farewell it, for I will use no art.

Polonius буюу Полоний гэгч хөгшин өөрийгөө цэцэн мэргэнд тооцох тул Гамлетын ээжид "хүү чинь галзуу солиотой" гэж худал хэлэхдээ энгийн үгээр биш уран үгээр хэлэхийг оролдоно. Ямар сайндаа хатан хаан "More matter with less art" буюу "уран үгээ хасаад үчрыг хэлээд аль" гэж дургүйцэж байхав. Полоний “хүү чинь солиотой” гэснийхээ дараа 'tis true, 'tis true буюу "үнэнийг" өгүүлж байна гэдгээ дахин дахин баталж хэлнэ. Тэгээд Гамлетын Офелияд бичсэн хайрын захиаг хатан хаанд уншиж өгнө.

Полоний гэгч хөгшин ямар дүр болох нь ойлгомжтой тул ’tis true, ’tis true гэх энэ л мөр Хаусмэны шүлгийг тэс өөр утгатай болгох мэт санагдана. 21 насны хайр нь бүтээгүй ч гэлээ зүрх сэтгэлээр хүнд өгөхөд буруудах юм байхгүй - гэдэг л энэ шүлгийн гол санаа гэж бодогдоном.

Ер нь Шекспир английн уран зохиолын оргил тул Шекспирээс авсан ишлэл, хэллэг, хэлц үг маш олон. Shakespeare quotes гэж гүүглэхэд түм буман зүйл гарч ирэх бөгөөд тэдгээр нь жирийн яриа, сонин сэтгүүл, ном зохиолд олонтаа хэрэглэгдэнэ. Мөн өөрийгөө сэцэн мэргэнд тооцох Полоний хөгшин хайрын тухай ярьж байгаа нь Хаусмэны шүлгийн "wise man"-тэй адил тул " ’tis true, ’tis true" бол Гамлэтээс авсан ишлэл гэдэг нь эргэлзээгүй болов уу.

За тэгээд

　　To love or not to love
　　That's the question-г хүн болгон өөртөө зөвөөр шийднэ биз дээ ：）

----------------------------------------------------------------------------------
(*) Шүлгийн анализын жишээ:

• http://www.emule.com/2poetry/phorum/read.php?6,149943
• http://appoetryproject.blogspot.com/2005/03/when-i-was-one-and-twenty-ae-housman.html
• http://www.poetryconnection.net/poets/A.E._Housman/16749/comments

Шатар, шүлэг, орчуулга

Янз бүрийн зохиолд шатартай холбоотой ишлэл зүйрлэл байх бөгөөд ихэнхи нь шатрын тухай ерөнхий ойлголттой байхад ойлгож ядах юмгүй. Гэхдээ зарим "но"-той зүйрлэлийг огт мэдэлгүйгээр ондоо утгаар ойлгож явах бяцхан “аюул”-тай. Тодруулж нэгэн жишээ дурдвал:

Шекспирын “Зөрүүд хүүхнийг номхотгосон нь” зохиолд номхон дөлгөөн зантай, хөөрхөн бүсгүй Бианкад дурласан хоёр залуу (нарийн ярьвал нэг нь залуу, нөгөө нь хөгшин баагий) гэрт нь бэр гуйхаар очиход Бианкагийн аав адаар муухай аашаараа аймаг хотдоо алдартай том охин Катеринаг ханьтай болсны дараа л бага охиноо хадамд гаргана гэж хэлнэ. Түүгээр барахгүй "ер нь манай энэ Катерина ямар вэ" гэж хоёр залууд Катеринаг санал болгоход Катерина яаж дуугай байхав,

　　　I pray you sir, is it your will,
　　　To make a stale of me amongst these mates?

гэж тэр даруй нь хариулна. Махчилж орчуулбал “Эцэг минь өршөө, та эдгээр залуучуудад (mate) намайг өгөөш (stale) болгох гээ юү?” гэсэн утгатай хоёр мөр. Хальт уншихад Катерина аавдаа номхон даруугаар хариулж буй мэт. Гэхдээ Шекспир далд утгатай нарийн зүйрлэл олонтаа хэрэглэдэгийг санаад доорх хоёр үгний утгыг тухайн үеийн шатрын дүрэмтэй харьцуулж бодвол Катеринагийн хариулт тэс ондоо өнгө аястай болоод ирнэ.
　
　　　*　Checkmate буюу товчлоод mate – мад
　　　*　Stalemate - жид. Ноён хөдлөх боломжгүй байдалд орохыг хэлнэ (дээрх зургийн хар ноён).

Орчин цагийн шатрын дүрмээр stalemate буюу жид болчихвол талууд тэнцэнэ. Харин (анхаа-раа-рай !) Шекспирын үеийн англид stalemate-д орсон тал хожно гэсэн дүрэмтэй байсан !! Тиймээс зөрүүд Катерина наанаа номхон мэт загнавч давхар утгатай үгээрээ хоёр залууг доош нь хийж "би илүү" гэсэн санааг чадамгай гээчийн хэлж буй хэрэг. Үүнийг өөр хэл үрүү мэдээжийн хэрэг шууд буулгаж орчуулах боломжгүй тул ондоо үг зүйрлэлээр ижил төстэй санаа гаргахаас өөр аргагүй.

Ийнхүү шүлэг зохиол орчуулна гэдэг зүгээр нэг хэлний мэдлэгээр бүтэх ажил биш. Зохиолч хүнийн авьяас мэдрэмжээс гадна тухайн цаг үе, түүх соёлын талаар нарийн мэдлэг шаардсан хүнд гэхэд дэндүү хүнд ажил. Элэг нэгтнүүддээ гадаад зохиолын дээжийг хүргэх гэж үйлээ үздэг орчуулагч нарыг бишрээд энэхүү тэмдэглэлээ бичив. Нэмж хэлэхэд stalemate-д хүрвэл тэнцэнэ гэсэн өөрчлөлтийг шатрын дүрэмд 19-р зуунд оруулсан аж.

Н. Гумилев, шүлэг, хүннү...

Оросын нэрт яруу найраг Николай Гумилевын нэгэн шүлэг танилцуулъя:

　　Сонет
　　Я, верно, болен – на сердце туман,
　　Мне скучно все – и люди, и рассказы,
　　Мне снятся кородевские алмазы
　　И весь в крови, тяжелый ятаган.
　　Мне чудится, и это не обман –
　　Мой предок был татарин косоглазый,
　　Свирепый гунн, я веяньем заразы,
　　Через века дошедшей, обуян.
　　Молчу, томлюсь, и отступают стены,
　　Вот океан, весь в клочьях белой пены,
　　Закатным солнцем залитый гранит,
　　И город с золотыми куполами,
　　С цветущими жасминными садами.
　　Мы дрались там – ах, да, я был убит. 　

Англи орчуулга: Мария Сюрина

　　Sonnet
　　I must be ill – I cannot hear a word,
　　I hardly bear simple people’s story,
　　I see the dream of diamonds and glory
　　And heavy, blood-stained oriental sword.
　　I feel inside my heart, and I am right –
　　My ancestor was hunn with slanted eyes,
　　His fierce fighting and his savage cries
　　Still reach my blood with never-ending might.
　　I hold my breath, the picture goes behind,
　　I see the ocean in the shining bright
　　And gorgeous city of the long-ceased past.
　　I see the temples with the domes of gold,　
　　Guards by the wall the shining spears hold
　　And I was killed – that battle was my last.

Гумилевын энэ сонет миний “сонин шүлгийн санд” нэлээд дээгүүр орно. Уул нь анх уншихдаа ааан гээд л өнгөрсөнсөн... Бодвол хорин настай Сүрэнгийн үзэмж болон үнэлэмжинд номын сангаас санаандгүй олдсон Н.Гумилевын шүлгийн түүврийн бусад шүлэг илүү нийцэж байсан байх.

Харин хэзээ хойно сонирхож гарчигласан эзотерик чиглэлийн нэг номноос энэ шүлгийг олж хараад "яруу найрагч өмнөх төрлөө санаж энэхүү шүлгээ бичсэн болно" гэсэн "онош" уншаад мэл гайхаж цэл хөхрөх гэгч болж билээ. Гайхахын учир нь яруу найрагч Николай Гумилевын эхнэр нь алдарт Анна Ахматова. Тэр хоёрын газар дээрхи ганц хүү нь тухайн үедээ орос түүхч, эрдэмтэн нарын дунд монгол түмний ганц "анд" гэгдэж байсан нэрт монгол судлаач Лев Гумилев.

Тэгэхээр... аав нь урд төрөлдөө хүннү байсан. Түүнийгээ яруу найрагчийн далд совингоор мэдэрч "би хүннү байсан, балар эрт байлдаж явсан тэр цагийн нөлөөг одоо ч гэсэн мэдэрч явна" гэсэн шүлэг бичсэн... Харин хүү нь нэгэн номоо "Братскому монгольскому народу посвящается” (Ах дүү монголын ард түмэнд зориулав) гэж эхэлсэн агуу хүн, нэрт түүхч, монгол судлаач... Ингэж бодохоор өөрийн эрхгүй аав хүү хоёр монголтой минь үл үзэгдэх хүйн холбоотой байсан мэт санагдах.

Мэдээжийн хэрэг үүнийг тохиолдлын явдал, уран сайхны утгагүй шүлэг, тэгээд ч “урд хойд төрөл” байхгүй, байлаа ч түүнийгээ санана гэж байхгүй гэх зэргээр шүүмжлэх хүн олон байх. Гэхдээ л амьдралд “тохиолдол” байхгүй мэт санагддаг. Бидний мэдэж мэргэлэхийн цаана орших сонин совинд ч би итгэдэг.

Николай Гумилев нэгэн найздаа “надад хааяа хаяа одоогийн бидний амьдралд үл хамаарах, улирч одсон эрин үеийн дүр зураг, үйл явдал тодоос тод харагддаг. Тэр балар эртний уур амьсгал надад орчин цагийн европ хүний амьдралаас хамаагүй ойр дотно байдаг. Орчин үедээ би өөрийгөө зочин юм шиг санадаг”　гэж хэлж байсаныг нь бодохоор хүннү байсан үгүйг нь тогтоохын аргагүй гэлээ ч энэ бол яавч оргүй хоосноос урган гарсан шүлэг биш гэж бодогдоно.

Африк, анааш

Гумилевын хамгийн дуртай шүлэг, Африк явах мөрөөдлийн минь эхлэл:

　　Жираф (1908)

　　Сегодня, я вижу, особенно грустен твой взгляд,
　　И руки особенно тонки, колени обняв.
　　Послушай: далеко, далеко, на озере Чад
　　Изысканный бродит жираф.　

　　Ему грациозная стройность и нега дана,
　　И шкуру его украшает волшебный узор,
　　С которым равняться осмелится только луна,
　　Дробясь и качаясь на влаге широких озер.

　　Вдали он подобен цветным парусам корабля,
　　И бег его плавен, как радостный птичий полет.
　　Я знаю, что много чудесного видит земля,
　　Когда на закате он прячется в мраморный грот.

　　Я знаю веселые сказки таинственных стран
　　Про черную деву, про страсть молодого вождя,
　　Но ты слишком долго вдыхала тяжелый туман,
　　Ты верить не хочешь во что-нибудь, кроме дождя.

　　И как я тебе расскажу про тропический сад,
　　Про стройные пальмы, про запах немыслимых трав...
　　- Ты плачешь? Послушай... далеко, на озере Чад
　　Изысканный бродит жираф.

Логик

Антон Бубликов, “Логик” 2008
Орчуулга: Сүрэн

　Дүрүүд:　　Ваня - нэгэн залуу
　　　　　　　　Леша - Ванягийн багын анд
　　　　　　　　Катя - Ванягийн найз бүсгүй
　　　　　　　　Аня - Лешагийн найз бүсгүй

　 Хүйтний эрч чангарсан намрын нэгэн өглөө. Леша метро руу хамт алхдаг найз Ванягаа байрныхаа гадаа хүлээж зогсов. Ваня нэлээд хүлээлгэсний эцэст аахилж уухилан амьсгаадан гарч ирснээ мэндийн зөрүү ч үгүй шууд ярьж эхлэв. Ярих ярихдаа бүр урсгаж гарав:
　- Хөгшин нь унтаж байсан байхгүй юу, тэгээд сэрээд харсан чинь манай хүн орны өнцөгт гэдсээ барьчихсан сууж байна. Яагаа вэ гэсэн чинь хүүхэдтэй болмоор байна гэдэг байгаа!!
　- Юун хүүхэд? Хэний хүүхэд? - Леша цочиж царай нь аймшгийн киноны алмас харсан мэт болов.
　- Миний! Өөр хэнийх байдаг юм!
Ваня ширүүхэн дуугаар хариулаад найзыгаа бүр ч ширүүнээр нэг том хараад цааш алхав.
Леша Ваняг гүйцэн очиж аргадангуй аястай
　- Манай Аня ч гэсэн тэгээд байгаа гэв.
　- Үгүй чи бод доо, энэ чинь ярваа биздээ, хар үүрээр хүүхэд хүсч хүйс гэдсээ илж сууна гэдэг. Бие организм гүйцэд сэрээгүй, биеийн чилээ ч гараагүй, ядаж ганц аяга кофе уух хэрэгтэй шдээ. Шүд мүдээ угаах хэрэгтэй!
Леша найзыгаа дуугүй л сонсч байлаа. Лешагийн бие организмд нэр дурдсан зүйлс өглөө онцын хэрэг болдоггүй тул найзыгаа сонжсон байдалтай хальт харав.
　-Тэгсэн Катя юү гэсэн гээч ?!
Ваня хажуугаар өнгөрөх хүмүүс өөрийн эрхгүй эргэж хартал дуугаа чангасгав.
　-Юү гэсэн ?

　 Өвлийн эхэн сар шиг хүйтэн энэ өглөө хөнгөн куртка яаруу сандруу эгэлдэргэлсэн Ваня даарсандаа дулаан пальтотой Лешаг хэсэгтээ тойрч гүйв. Байдал хэр эмгэнэлтэй байгааг Леша ойлгохгүй байгаа мэт Ваняд санагдаад байв. Леша байдал хэр эмгэнэлтэй байгааг огтхон ч ойлгохгүй байв.
　- Гэдэс нь өвдөж байна гэсэн!! Жирэмсэн болохоор гэдэс нь гайгүй болчих юм шиг! Миний бүр толгойд багтдаггүй! Жишээ нь чи, гэдэсний өвчнөө намдаахын тулд хүүхэд болохыг хүсэх үү?!
Ваня дахин дуугаа чангарууснаа Лешаг хариулж амжаагүй байтал "би ч гэсэн үгүй" гээд яриагаа цааш үргэлжлүүлэв.
　- Хүн ер нь хариуцлагатай байх хэрэгтэй биздээ. Юун хүүхэд вэ, өөрийн гэсэн гэр оронгүй байхад. Би тэгээд Катяд ойлгуулахыг оролдлоо л доо. Гэдэс өвдлөө гээд хүүхэдтэй болж болохгүй. Хүүхэд бол том хариуцлага. Жирэмсэн хүүхнүүдийг хар л даа, нуруу туруу өвдлөө л гэнэ, түрүүлгээ харж унтаж чадахгүй л гэнэ, бас тэгээд тэр явж байгааг нь, топ топ тап тап гээд яг л аварга заан шиг!
Ваня чангахан хэлээд үгээ улам тодруулахын тулд аварга заан буюу жирэмсэн хүүхнүүдийн алхааг дуурайн үзүүлэв.
　 - Бас тэгээд эрх чөлөө ! Би чинь залуу хүн, бүтээлч хүн, надад аяны үүргэвч, армаанчиг дууны цуглуулга байна! Манай хүнийг төрөхөөр би л бүгдийг нь үүрнэ шдээ. Ажлаасаа гармаар санагдлаа гэхэд яаж чадах юм, гэр дүүрэн өлссөн хүүхдүүд ааваа, ааваа гээд амаа ангайн хоол нэхэн орилолдож байхад!

Харин Леша энэ яриаг дэмжих үгүйгээ шийдэж ядан байлаа.

　 - Тэгсэн Катя юү гэсэн гээч!!! – Ваня саяны яриа бол юү ч биш, хүүхдийн тоглоом хүрэн бамбаруушны үлгэр гэсэн байдалтай дуугаа улам томсгов.
　- Юү гэсэн?
　- Тэгвэл хамаа алга, хүүхэдтэй болохыг ЕРӨӨС хүсэхгүй байна гэсэн!! Үгүй чи бод доо! Хүний ярианд ЛОГИК гэж юм байх ёстой доо!

　Хоёр залуу хэсэг дуугүй алхав. Ваня тамхи гаргаж асааснаа уртаа гэгчийн санаа алдаад дахин ярьж эхлэв:
　 - Би тэгээд тэвчээр гэдгийн рекорд тогтоож Катядаа ойлгуулахыг оролдлоо л доо... Хүүхдүүд чинь хүмүүсийн ирээдүй. Хүүхдүүдтэй бол хөөрхөн шдээ, чамтай адил байна уу, надтай адил байна уу гээд. Хүүхдүүдтэй бол хөгширсөн ч хөгжилтэй. Өөр юу билээ... аа тийм, эцсийн эцэст хүн хүүхдүүдийнхээ төлөө л амьдардаг. Ер нь эмэгтэй хүн ээж болох гэж л энэ дэлхийд мэндэлдэг. Тэгсэн манай хүн хүүхэдтэй болохын тулд хашаа байр биш хамгаалалтгүй секс хэрэгтэй гэсэн!!

　Өдий хүртэл нэг ч өгүүлбэр гүйцэд хэлэх завдалгүй явсан Леша хмммм гэж хоолой зассанаа
　- Нээрээ, өнөө... нөгөө... Аня бид хоёр. Байрны зээл авахаар шийдсэн. Учир нь ...
　- Учир нь…?

Ваня гэнэт ойлгосон янзтай гэдсэн дээрээ тойрог зурж үзүүлэв.

　 - Ерөнхийдөө бол тийм... гэж Лешаг хариулахад Ваня найзаасаа алхам төдий зайд зогсч байсан атал асар хол, арван мянган гэрлийн орон зайн тэртээгээс ярьж буй мэт санагдав.
Аль хэдийн метроны үүдэнд ирсэн тул Леша
　- За найз нь явлаа гээд шатаар уруудан ажилдаа яарах хүмүүсийн дунд уусан алга болов.

　 Ваня цааш алхангаа “хариуцлагагүй улс” гэж амандаа бувтнахад хажуугаар нь өнгөрч явсан хижээл насны эр эргэж харав. Хижээл насны эр малгай ороолтондоо бөв бөөрөнхий болчихсон хүйс нь үл ялгагдах бяцхан хоёр амьтан дагуулж… дагуулж гэхээс чирсэн байдалтай алхаж явах. Таныг хэлээгүймаа гэж Ваняг хэлэхэд бяцхан амьтдын нэг нь Ваняд ороолтын цаанаас “тамхи би’д хо’той ” гэж анхааруулав. Ваня инээмсэглээд тамхиа хаятал нөгөө бяцхан амьтан нь "газал хог хаиж болку" гэв.

-----------------------------------------------------------------

• 2008 оны Cosmo-д байсан бяцхан өгүүллэг. Уншаад элгээ хөштөл инээсэн тул орчуулж үзмээр санагдсан ч залхуу зан хөдлөөд авахыг нь аваад хаяхыг нь хаяад тун "чөлөөт" байдлаар орчуулсан болно. Enki андад special thanks !

Coming Through the Rye

Ж. Д. Сэлинжэрийн "The Catcher in the Rye" (орос нэр нь "Над пропастью во ржи") зохиолын нэр "Coming Through the Rye" шүлгээс үүдэлтэй. Зохиолын гол баатар болох ахлах ангийн сурагч Холдэн дүүдээ том болоод "эмч домч, өмгөөлөгч шүүгч, эрхтэн дархтан болохгүй, хүүхдүүд хавцлын дэргэдэх хөх тариан (rye) талбайд тоглож байгаад анзааралгүй хавцлаас унавал тэднийг барьж авах catcher болно" гэж ярихдаа энэ шүлгийг жаахан зөрүү иш татдаг.

Шүлгийн зохиогч нь шотланд түмний дунд Bard of Ayrshire (Эйшир нутгийн туульч), Scotland's favourite son (шотланд түмний хайртай хөвүүн) мөн зүгээр The bard буюу "туульч" нэрээр алдаршсан нэрт яруу найрагч Роберт Бернс (1759-1796) юм.

“Coming through the rye” яваандаа шотланд ардын хүүхдийн дуу болсон нь ард түмний сэтгэлд хүрсэний илрэл болов уу. Мөн Роберт Бернсын зохиосон Scots Wha Hae (Scots, Who Have) олон жилийн турш шотланд түмний албан ёсны бус сүлд дуулал гэгдэж байсан. Түүнээс гадна Мөн A Man's A Man for A' That , A Red, Red Rose зэрэг шүлэг зохиол нь одоо ч гэсэн дэлхийд нэртэй.

　　　Coming Through the Rye 　　　　　　
　　　by Robert Burns (1759-1796)

　　　Coming thro' the rye, poor body,　　　　
　　　Coming thro' the rye,　　　　　　　　　　　　
　　　She draiglet a' her petticoatie　　　　　　
　　　Coming thro' the rye.　　　　　　　　　　　

　　　O, Jenny's a' wat, poor body;
　　　Jenny's seldom dry;
　　　She draiglet a' her petticoatie
　　　Coming thro' the rye.　

　　　Gin a body meet a body　
　　　Coming thro' the rye,
　　　Gin a body kiss a body -　
　　　Need a body cry?　

　　　Gin a body meet a body
　　　Coming thro' the glen,　
　　　Gin a body kiss a body -
　　　Need the warld ken?

　　　 С.Я. Маршакийн орчуулга:

　　　Пробираясь до калитки
　　　Полем вдоль межи,

　　　Дженни вымокла до нитки

　　　Вечером во ржи.　

　　　Очень холодно девчонке,

　　　Бьет девчонку дрожь:

　　　Замочила все юбчонки,

　　　Идя через рожь.　

　　　Если кто-то звал кого-то

　　　Сквозь густую рожь

　　　И кого-то обнял кто-то,

　　　Что с него возьмешь?

　　　И какая нам забота,

　　　Если у межи

　　　Целовался с кем-то кто-то

　　　Вечером во ржи!..