2009/01/18

Хөөрхөн

  • Есөн сарын нэгэнд сургуульдаа явах хүүхдүүд хөөрхөн
  • Гурван литрийн бидон нь газар шүргэх жаалхүү хөөрхөн
  • Тугал хуруу хөхөх хөөрхөн, хурга ишиг мөргөлцөх хөөрхөн, унага даага тоглох хөөрхөн
  • Эмээ ээж минь утсаар ярихдаа утсаа хоёр гараараа барих нь хөөрхөн
  • Ишиг морин тэрэг, гэр дээр үсэрч гараад баатар аятай байх нь хөөрхөн
  • Ээжийн яриагаар бол хайртай халзан тугал нь бяруу болсон ч гүйж ирээд хаа холоос таньж мөөрөхөд “халзаадаа бидэн хоёл” гэж хавийн хүнд ярьж байсан Сүрэн бүсгүйн дөрвөн нас хөөрхөн
  • Өвлийн хүйтэнд модны мөчирт өрвийсөн хэдэн болжмор зэрэгцэн суух хөөрхөн
  • Ярианы учир ойлгоогүй ч хүмүүс дагаж инээх хүүхэд хөөрхөн.
  • Ээж “тогоотой сүү!” гэж гэнэт уулга алдаж год үсрэх хөөрхөн. Сүү нь дэвэрсэн бол бүүүүр хөөрхөн
  • Охин дүүгээр би яахим, яаж тоглож зодхим гэж гомдоллох дөрөв таван настай шинэков ах хөөрхөн
  • Байрны өмнө суух эмээ өвөө нар хөөрхөн, яриаг нь сосвол бүр хөөрхөн
  • Жаалхүү утас аваад “эгч байхгүй байна гэнээ” гэх хөөрхөн. Хажууд нь арван минутын өмнө худал хэлэхийн хор уршгийг ухуулж байсан эгч нь хөөрхөн
  • Бяцхан хүү толгой шигээ том аяганаас тараг уух хөөрхөн. Уусаныхаа дараа бол бүүүр хөөрхөн
  • Ангийн өмнө асуултын хариулт мэдэхгүй толгойгоо маажих хөвгүүд хөөрхөн
  • Үснээс татаж чангаахаас өөрийг мэдэхгүй шар банди нэгэн өдөр хорин дөрвийн чихэр өгч үс чангаалтыг "албан ёсоор" дуусгавар болгосон нь хөөрхөн. Өгсөн чихрийг нь авсан атлаа "хн" гээд дээгүүр харсан Сүрэн хөөрхөн hehe
  • Охидуудын “тэр надад ямар бол” гэх яриа хөөрхөн
  • Хөвгүүдийн "зэээ хө, нэг цэрэгт яваад ирэх үү дээ", "ерөөс эр хүн болваас..." гэх аавын цээж яриа хөөрхөн
  • Зун болохоор зусланд зүлэг ногоо дахин ургах уу гэж асуух бяцхан дүү минь хөөрхөн

5 comments:

Зэлмэ said...

Уг нь ертөнцийн 3 хөөрхөн гэж байдагсан. энэ одоо ямар олон хөөрхөн бэ?

Suren said...

hehe edgeer ni "Surengiin huurhun"...

маруужин said...

wahahhaah,uneheer huurhun zuils bailaa :)) bugd huurhun bailaa

Tsubaki Sanjuro said...

Minii egchiin huu ih sergelen huurhun huu bdiin. held oroogui baihad ni babysitter ni uurchlugduj shineer irsen emegtein anhnii hiij ugsun hool ni shul bagatai guriltai hool baij l dee. Tegsen manai hun dohio zangaagaar naad ayagataigaa bariad ir gesnee hogiin sav ongoilgood naadahaa iishee hii gej dohison bgaam daa. Odoo 4 tei, hed honogiin umnu bi gert ni ochood A Dorling Kindersley book iin Art gej huuhded zoriulsan zuragt nomiig mgl hel deer hevlesen bhaar ni eniig chin uzchiheed ugii geed avaad yavsan chin, udurt babysitter teigee nom uzej suuh bolgondoo Tsubaki ah mini minii nomiig hezee avchirch uguh bol gedeg geh, hehe.

Сүрэн said...

erin ueiin huuhduud ondoo shuu :)
Tsubaki aga huuhdiin nomiig hezee avchirch uguh gej baina ain ? :D