2008/11/16

12. Австралийн тэмдэглэл, Casino төгсгөл

Сүүлийн үед юм болгоныг дүгнэх хоббитэй болоод байгаа. Казино орсноо ч гэсэн энэ хоббинэсээ гажихгүй дүгнэе гэвэл ерөнхийдөө маш хөгжилтэй бас сургамжтай туршлага болов:

1. Өөрийгөө анхаарч ажиглахын чухлыг мэдэв. Болимоор санагдсан үед болих хэрэгтэйг ухаарав.

2. Хүмүүс яагаад казино ч бай, хөзөр ч бай, пачинко ч бай мөрийтэй тоглоомд хамаг юмаа алддагийг "мэдсэн" гэхээс өөрийн биеэр жаахан “мэдрэв”. Данс 130 хүрсэнээ 30 болоход миний нүдэнд тоглоом эхлэхэд байсан 50$ биш хожсон 100, 130 харагдаад, 20$ биш 80, 100 $ алдсан юм шиг санагдаад revenge хийж "өөрйн” мөнгөө буцааж авмаар болдог юм байна лээ... hehe Хүмүүс ийнхүү “өөрийн” мөнгөө буцааж авахын тулд үргэлжлүүлэн тоглоод хамаг юмаа алддаг байж магад.

3. Мөнгө хожно гэдэг их бага нь хамаагүй маш том адреналин. Хүмүүс мөнгөний тухай ярихад тархинд нь ялгарах сэргээш бодис секс, адал явдал, урлаг спорт, улс төр ярьснаас хэд дахин илүү байдгийг хаанахын ч билээ, хэсэг эрдэмтэд туршилт хийж тогтоосон тухай сэтгүүлээс уншиж байсан маань тун ортой санагдав. Гэхдээ л хааяа нэг тоглох бол гэмгүй fun байхаа (хэхэ хүн ингэж л болохоо байж эхэлдэг байх )

4. Казино яаж ажиллаж, хэрхэн тасралтгүй тоглоод баймаар орчин үүсгэдгийг "мэдрэв". Нэгд, казино цоглог хөгжимтэй, бүдэг хэрнээ өвөрмөц тод гэрэлтэй. Хамгийн гол нь цонхгүй бөгөөд цагггүй. Орчин үед ямар ч байгууллга барилгын хананд ядаж ганц цаг байдаг даа... тэгсэн казинод ноль. Тиймээс байнга өөрийгөө хянаж цагаа харж байхгүй бол хэзээ ирж, хэр удаан тоглож хэдэн цаг өнгөрсөнийг мэдэхгүй. Дөнгөж 40 мин болсон мэт санагдаж байхад үнэндээ аль хэдийнээ цаг хагас явчихсан байна. Энэ тухай гэхдээ онож тайлбарласан хүний үгийг иш татъя: “People enter the babel of illusion, deceived by the music and moving lights into feeling like they are doing something interesting. They lose track of time in the permanent indoor twilight unsure it’s night or day in the real world. They come to be numbed to their feelings and problems. The corrupting influence of this floating den of iniquity works its magic. Slowly their inhibitions relax.”

5. Казинод тодорхой төрлийн “азтай” хүмүүс хождог мэт санагдсан. Тэр азыг нь юу ч гэж тодорхойлмоор юмбдээ... амьдралд хандах төрөлхийн хандлага гэхүүдээ. Жишээ нь их сургуульд манай ангид Г гэдэг банди байсим. Шалгалт болоход зуун асуултаас “би зөвхөн 3-р асуултыг л мэднэ” эсвэл “1-10 асуултанд л хариулж чадна” гэнэ. Тэгээд оронгуутаа уншсан ганц асуултаа суглана. Үнэн азтай, үнэн атаархмаар... Сүрэн тэгэхэд яажийна ? 1-90 асуултыг ян тан мэдэж байлаа ч уншаагүй 90-100 дундаасаа л сугалдаг байку юу... өөрөө өөртөө үнэнхүү гомдмоор. Тиймээс над шиг хүмүүс казиногоос холхон байсан нь дээр байх. Гэхдээ Г ч гэсэн казинод хааяа орвол азтай, байнга орвол алдаатай мэт санагдана. Казинод тоглож амьдардаг хүмүүс байдаг л гэдийн... уулзаж үзэхиймсан. Аа тийм, согтуу хүн морьноос унасан ч бэртдэггүйн адил согтуу хүмүүс казинод их хождог гэсэн. Согтуу хүний “сохор ухаан” нь тэгж ажилладаг юм болов уу, бүү мэд.

6. Хамгийн гол нь : настр муу, ажил муу, санхүү муу гэх мэт амьдрал барзгар үед хэрхэвч тоглож болохгүй. Учир нь тависан бүхнээ алдана. Сайн тайлбарлаж мэдэхгүй ч яагаад ч юм ийм сэтгэл төрсөн. Ерөнхийдөө амьдрал гайгүй үед for fun гэж л тоглох хэрэгтэй байх, тоглохдоо хүрвэл.

3 comments:

Tsubaki Sanjuro said...

Muriitei toglono gedeg mansuurah, sogtuurahtai adil. Hojih uyedee toglogchid hyalbarhan mungu olj boloh yum baina gesen hii bodold avtdag ni chig barimjaagaa aldah, emgenelt yavdal, amia horlohod hurtel hurgej bolno. Gehdee uunii zeregtsee casino ni huniig idevhtei, zorig gargaj chaddag, zuvhun uuriin uhaand naiddag, bas zunch bolgodog gej Artyom Tarasoviin "Sayatan" nomon deer baidag. Surenteigee l casino orvol hojih yum shig baina, hoyulaa Seould udur tohirch uulzaj casinog dampuuruulii. :-)

Сүрэн said...

hehe tegeye tegeye :)

Tsubaki Sanjuro said...

Minii messenger id g add hiichij boloh uu? orgil_s2003 bayarlalaa.